Намоишгоҳ-ярмаркаи ҷойҳои кории холӣ дар ДДМ ба номи М.В. Ломоносов дар ш.Душанбе
Санаи 17-уми июни соли ҷорӣ дар ДДМ ба номи М.В. Ломоносов дар ш.Душанбе бо иштироки ташкилоту муассисаҳои давлатию ғайридавлатӣ ва ташкилотҳои қарзии кишвар намоишгоҳ-ярмаркаи ҷойҳои кории холӣ баргузор гардид.
Корхонаи воҳиди давлатии “Бонки амонатгузории Ҷумҳурии Тоҷикистон “Амонатбонк”" низ дар намоишгоҳ-ярмарка ширкат варзида, ба хатмкунандагони ДДМ ба номи М.В. Ломоносов ва дигар корҷӯён ҷойҳои кории холиро пешниҳод намуданд.
Дар рафти ярмарка ба иштирокдорон оид ба тартиби қабул ба кор, пешниҳоди ҳуҷҷатҳои зарурӣ, шарту шароит ва дигар имкониятҳо маълумоти зарурӣ пешниҳод гардид.
Дар қисмати пешниҳоди рӯнамо оид ба фаъолияти соҳа бошад сардори шуъбаи бозомӯзӣ ва рушди кормандони Идораи методология ва бозомузии кормандон Зайниддинов А.Н. дар мавзӯи “Амонатбонк ва сиёсати ҷавонон” баромад намуда, оид ба самти фаъолияти назарраси ҷавонон дар Бонк ба иштирокдорон маълумот доданд.
Ташкил ва баргузории чунин ярмаркаҳо ҷиҳати амалишавиии яке аз самтҳои афзалиятноки сиёсати давлатии ҷавонон, таъмини онҳо бо ҷойи кори доимӣ заминаи зарурӣ мегузорад.
